«Реал» Винисиус Жуниордың талабынан бас тартты

Винисиустың агенттері адалдық бонусы ретінде 15 миллион еуро және жылдық жалақы ретінде Килиан Мбаппенікіне жуық, шамамен 30 миллион еуро сұраған. «Реал» бұл шарттардан бас тартты.

Бразилиялық шабуылшының қазіргі келісімшарты 2027 жылдың 30 маусымына дейін жарамды. Егер тараптар жаңа келісімге келе алмаса, «Реал» ойыншыны кемінде 160 миллион еуроға сатуды жоспарлап отыр.

26 жастағы Винисиус өткен маусымда барлық турнирде 22 гол соққан. Ол «Реалға» 2018 жылы 18 жасында «Фламенгодан» ауысқан және содан бері клуб үшін 242 матч өткізіп, 77 гол соғып, Испания чемпионатын үш рет, Чемпиондар лигасын екі рет, УЕФА Суперкубогы мен ФИФА клубтар әлем чемпионатын жеңіп алды.

Соңғы екі маусымда «Реал» бірде-бір трофей ұтпады. Клубқа жазда бас бапкер қызметіне Жозе Мориньо оралды, ал құрам Дензел Дюмфриз, Марк Кукурелья, Бернарду Силва және Ибраима Конатемен толықты.

Лондондық «Арсенал» Винисиус Жуниорға нақты қызығушылық танытып отыр. Сонымен қатар «Реал» шеткі шабуылшы Ян Диоманде бойынша келіссөз жүргізуде — ол да Винисиуспен бірдей агенттік өкілдігінде.