Жаңалық 23 шілде 2026
«Тобыл» Литвада тең ойынмен тоқтады
УЕФА Конференциялар лигасының екінші кезеңіндегі бірінші матчта литвалық «Паневежис» пен қостанайлық «Тобыл» 1:1 есебімен тең түсті.
Кездесу Литвада өтті. 45-минутта «Паневежис» құрамындағы Сейдина Кейта есеп ашты. 60-минутта «Тобыл» 11 метрлік айып добын дұрыс пайдалана алмады — Асхат Тағыберген добын дәл соққан жоқ. Дегенмен 84-минутта Неманя Чавнич қостанайлықтар үшін теңестіруші гол соқты.
Жауап кездесуі 30 шілдеде Қостанайда, сағат 19:00-де өтеді. Оған дейін «Тобыл» 26 шілдеде Қазақстан премьер-лигасы шеңберінде «Атыраумен» кездеседі.
Еске салайық, «Тобыл» — Қазақстан кубогының иегері.
Тағы оқыңыз
Дереккөздер: sportilinet.kz