Гарначо «Астон Виллаға» жалға ауысты

Гарначо «Челсиге» өткен жазда «Манчестер Юнайтедтен» 40 миллион фунт стерлингке ауысқан болатын. Дегенмен лондондық клубта дебютті маусымын сәтті өткізе алмады.

«Астон Виллаға» ауысу себебін ойыншының өзі түсіндірді.

«Маған сенім артатын, өзімнің «Юнайтедтегі» алғашқы жылдарымдағыдай ойыншы болуыма көмектесетін клуб керек еді деп ойлаймын», — деді Гарначо.

Оның айтуынша, бапкер Унаи Эмеримен әңгімелескеннен кейін осындай сенімге қол жеткізген.

«Мен онымен сөйлестім, ол маған сол сенімді берді», — деді шабуылшы.

Сондай-ақ Гарначо «Астон Вилланың» өткен маусымдағы Еуропа лигасындағы ойынын бақылағанын және қазір Чемпиондар лигасында ойнау мүмкіндігінің өзі үшін маңызды екенін атап өтті.

«Мен оларды өткен маусымда Еуропа лигасында көрдім, Чемпиондар лигасының бір бөлігі болу маңызды. Унаимен осында келгенге дейін сөйлестім, маған сенім берген де осы», — деді ол.

Еске салайық, «Астон Вилланы» бапкер Унаи Эмери басқарады, ал клуб биылғы маусымда Чемпиондар лигасына жолдама алды.