Эллиот Андерсон «Ноттингем Форестен» «Манчестер Ситиге» ауысты

Жазда ойыншыға «Манчестер Юнайтед» де қызығушылық танытқан болатын. Дегенмен футболшы «Ситиге» ауысуды таңдады.

«Сити» — әлемдегі ең ірі клубтардың бірі, командасы да керемет, әр позицияда күшті ойыншылар бар. Олардың мені қалайтынын білген сәттен-ақ бұл трансферді жүзеге асыруға бел будым», — деді Андерсон.

Оның айтуынша, ол футболшы ретінде өзін ең жоғары деңгейде сынап көргісі келеді, ал «Сити» дәл осындай мүмкіндік береді. «Сырттан қарағанда, «Сити» — ойыншыларына жақсы қарайтын, керемет орта қалыптастыратын клуб. Соңғы 10-15 жылда олардың жеткен жетістігі мен ойын стилі ерекше болды. Осының бір бөлігі болуға мүмкіндік алғаным — үлкен құрмет», — деді ол.