Жаңалық 18 шілде 2026
«Қайрат» аргентиналық Себальяспен қоштасты
Фото: ФК Қайрат (ресми TG)
25 жастағы аргентиналық футболшы Себастьян Себальяс «Қайратпен» тараптардың өзара келісімі бойынша жолын айырды.
Себальяс алматылық клубқа 2026 жылдың басында қосылған болатын. Ол «Қайрат» сапында 11 ресми кездесуге шығып, бір нәтижелі пас жасады, гол соғуға қол жеткізе алмады.
Аргентиналық футболшы «Қайратқа» дейін тек туған елінде ойнаған. Ойыншы кәсіби мансабын «Лос Андес» клубында бастаған.
Себальястың алдағы уақытта қай командада ойнайтыны әзірге белгісіз.