ӘЧ-2026 финалы: Аргентина мен Испания сынға түседі

«Испания финалға тегін шыққан жоқ. Олардың мықты бапкері мен командасы бар, құрамада жалғыз Ямаль ғана емес. Көрермендерге бұл матч ұзақ есте қалады деп үміттенемін», — деді Мартинес.

Испания бапкері Луис де ла Фуэнте Лионель Месси туралы қызық естелігімен бөлісті. «Севильяның» жасөспірімдер құрамасында бір ойыншыны Лионың қасына қойып, кейін ауыстырғанмын. Сол ойыншы бізге төрт гол соғып тастады», — деді ол.

Испаниялық жартылай қорғаушы Родри өз құрамаласы Ламин Ямальдың Франция құрамасына қарсы ойынын ерекше атап өтті. «Ямаль Франция матчында ең жақсы ойынын көрсетті. Ең бастысы — оның доптан тыс жұмысы, командаға қорғаныста қашан керек екенін түсінеді», — деді Родри.

Испания қорғаушыларының финалда Мессиге дербес қадағалау қоятыны әлі белгісіз.