ҚПЛ жаңалықтары: Сәтпаевтың рекорды, Қасымның ауысуы және Канье Уэст концерті төңірегіндегі дау

Қазақстан құрамасының қорғаушысы Әлібек Қасым астаналық «Астанаға» ауысты. Сонымен қатар ҚПЛ-ның 18-турындағы «Ордабасы» — «Елімай» кездесуі бір сағатқа жылжытылды.

Жас шабуылшы Дастан Сәтпаев жазда алматылық «Қайраттан» лондондық «Челсиге» 4 миллион еуроға ауысты. 17 жастағы футболшы «Челсидің» алдын ала жиынға қосылған негізгі құрамымен бірге дайындық үстінде. Сәтпаев Қазақстан құрамасында 16 жасында дебют жасап, ел құрамасы тарихындағы ең жас голшы атанды.

«Қайрат» 14 тамызда Орталық стадионда өтуге тиіс Канье Уэст концерті туралы ресми мәлімдеме жасады. Клуб осы алаңда ҚПЛ мен еурокубоктардың үй матчтарын өткізеді, ал 8 және 15 тамызда чемпионаттың кезекті ойындарын, 11–13 тамыз аралығында еурокубоктардың іріктеу кезеңіндегі матчын өткізуге тиіс. Концерт күнінің клубпен келісілген-келісілмегені әлі белгісіз. Еске салайық, 2025 жылы «Қайраттың» матчтары Дженнифер Лопес концертіне байланысты жылжытылған болатын.

Спорттық тұрғыдан «Қайрат» үшін жаңалық жақсы: команда Чемпиондар лигасының бірінші іріктеу кезеңінде черногориялық «Сутьесканы» екі кездесудің жиынтық есебімен 4:1 жеңіп, келесі кезеңге жолдама алды. Енді алматылықтар кипрлік «Омонияға» қарсы ойнайды.

Әйелдер футболында да қозғалыс бар — 22 жастағы қорғаушы Гүлсая Сармықова «Оқжетпес» әйелдер футбол клубымен келісімшартқа қол қойды. Ол бұған дейін «Ақтөбе», «Тобыл» және «Жетісу» құрамында ойнаған, қазір Қазақстан құрамасына үміткер саналады.