Аргентина жартыфиналда Англияны тізе бүктірді
Кездесуден кейін ағылшын БАҚ-ы бас бапкер Томас Тухельдің ойын тактикасын қатты сынға алды. Журналист Майкл Лаудың айтуынша, команда қорғанысқа басым мән беріп ойнады.
«Тухель бүкіл әлемнің көз алдында сәтсіздікке ұшырады. 2018 жылғы әлем чемпионаты есіме түсті — сол кезде Англия Хорватияға қарсы матчта алда болған. Қазір олар тағы да "автобусты қойып тастады"», — деді ол.
Бұрынғы ойыншы Габриэль Агбонлахор да бапкерге қатысты пікірін жасырмады. «Тухель — қорқақ, кетуі керек. Оның "ешқандай өкініш жоқ" деген астамшылығы ұнамады. Біз оған 8 миллион фунт төлеп отырмыз, ал ол Аргентинаға қарсы Саутгейттен де нашар ойнатты», — деді ол.
Ауыр жеңілістен кейін Англия шабуылшысы Гарри Кейн Instagram желісінде жазба жариялады.
Матч барысында трибунада бір аргентиналық жанкүйер Фолкленд аралдары туралы жазуы бар, жаймадан жасалған баннер көрсетті. Кездесу аяқталған соң ол осы жайманы алаңға лақтырды, оны Ло Чельсо жерден көтеріп алды.
Еске салайық, ӘЧ-2026 турниры осы жолы қатты ыстықпен есте қалды: Аргентина мен Австрия арасындағы Далластағы матч турнирдің ең ыстық кездесуі болып танылды. Ұйымдастырушылардың мәліметінше, турнирдегі әрбір бесінші матч температура мен ылғалдылық көрсеткіші қауіпті деңгейге жеткен жағдайда өтті.
