Аргентина Англияны жарты финалда тізе бүктірді

Кездесу нәтижесінен кейін ағылшын БАҚ-ы бас бапкер Томас Тухельдің ойын тактикасын қатты сынға алды. Журналист Майкл Лаудың айтуынша, команда қорғанысқа басым мән беріп ойнады.

«Тухель бүкіл әлемнің көз алдында сәтсіздікке ұшырады. 2018 жылғы әлем чемпионатын еске түсірдім — сол кезде Англия Хорватиямен матчта алда болатын. Қазір олар тағы да автобусты паркинге қойып тастады», — деді ол.

Бұрынғы ойыншы Габриэль Агбонлахор та бапкерге қатысты пікірін жасырмады. «Тухель — қорқақ, кетуі керек. Оның “ешқандай өкініш жоқ” деген астамшылығы ұнамады. Біз оған 8 миллион фунт төлеп тұрмыз, ал ол Аргентинамен Саутгейттен де нашар ойнатты», — деді ол.

Ауыр жеңілістен кейін Англия шабуылшысы Гарри Кейн Instagram желісінде пост жариялады.

Матч барысында трибунада бір аргентиналық жанкүйер Фолкленд аралдары туралы жазуы бар, жаймадан жасалған баннер көрсетті. Кездесу аяқталған соң осы жаймашаны алаңға лақтырды, оны Ло Чельсо жерден көтеріп алды.

Еске салайық, ЧМ-2026 турнирі осы жолы қатты ыстықпен есте қалды: Аргентинаның Австриямен Далластағы матчы турнирдің ең ыстық кездесуі болды деп танылды. Ұйымдастырушылардың мәліметінше, турнирдегі әрбір бесінші матч температура мен ылғалдылық көрсеткіші қауіпті деңгейге жеткен жағдайда өтті.