ФИФА-2026: Франция турнирден шықты, Испания финалға жолдама алды

Францияның бас жұлдызы Килиан Мбаппе командаластарын жеңілістен дұрыс қорытынды шығаруға шақырды.

Осы аралықта Испания құрамасы финалға жолдама алды. Ла Лига президенті Хавьер Тебас бұл жетістікті кездейсоқтық емес деп бағалады.

«Испания үлкен жетістіктердің кездейсоқ емес екенін тағы дәлелдеп отыр. Бұл — ойыншылар мен бапкерлерді дайындаудың әлемдегі ең үздік жүйесін құру жолындағы онжылдықтар бойы жасалған жұмыстың нәтижесі», — деді ол.

Ал жартылай финалда Аргентина құрамасы Англиямен кездеседі. Матч сағат 22:00-де басталады. Аргентина футбол федерациясы (AFA) бұл кездесу алдында Лионель Мессиге қатысты сезімге толы үндеу тастады: «Құдайдан Лео Аргентина құрамасында ойнағанда уақыт тоқтап қалуын, соңғы ысқырық ешқашан естілмеуін тілейміз, соңғы матч болмасын деп сұраймыз».